72                  TESTAMENTS ENREGISTRÉS AU PARLEMENT DE PARIS            (312)
ieur mariage et non autrement, et que par quelque voye leur mere ne ses autres enfans n'y puissent riens avoir, mais vieigne de Tune à l'autre.
Item, je ordonne que iceulx trois enfans ne demandent plus riens en ma succession, mais soient contens de ce que je leur laisse et donne.
Item, je laisse à Perrin Josse, mon clerc et serviteur, ma maison de la Seraine et les deux petitesmaisonsd'encoste,et les charge de x solz Tournois par an de rente pour un anniversaire solennel faire à Saint Andrieu, dont le curé avéra mi solz,le Chappelain et le clerc u solz et les marregliers quatre solz Tournois, et sera fait chascun an le .jour de mon trespassement.
Item, soit adverti que le lais que je fais aus diz Damade et Perrin Josse est pur, absolut et simple, et en pure aumosne sans quelque paie­ment ou remuneracion, car aussi ne leur doy je riens.
Item, je laisse oultre au dit Perrin Josse iii0 escus d'or, un de mes liz estoffé de deux draps et couverture, tel qu'il vouldra prandre après le meilleur, six tasses blanches, vi cuilliers d'argent, six hanaps de madré après les deux meilleurs, une douzaine d'escuelles d'estain, quatre plas moyens, deux salières d'estain et deux chandeliers.
Item, à Girardin Quinote qui me sert, ou cas qu'il sera avecques moy quant je morray, nc livres Tournois, un petit lit estoffé, et ne demande riens pour cause de salaire, car aussi l'ay je assez satisfait, vestu et norry, et ou cas qu'il ne seroit point avecques moy, x livres Tournois seulement.
Item, à chascun de mes autres serviteurs x livres Tournoi?, et oultre à Michaut mon espée.
Item, que tous mes serviteurs soient vestus de noir à mes despens, le dit Damade, Girard Josse, Adenet, Jehan Paillart, et oultre qu'ilz demeurent par un mois, s'ilz veulent, en mon hostel à mes despens depuis mon enterrement.
Item, je laisse à chascun chief d'ostel de la ville et poosté de Nuilly pour son maignage de ceulx qui le vouldront prendre deux escus d'or,